ചാലക്കുടി: മാള ഹോളി ഗ്രേസ് കോളേജില്‍ നടക്കുന്ന കാലിക്കറ്റ് യൂണിവേഴ്‌സിറ്റിയുടെ ഡി-സോണ്‍ കലോത്സവത്തിനിടെ സംഘര്‍ഷം. മത്സരത്തിലെ ജഡ്ജ്‌മെന്റ് ചോദ്യം ചെയ്തതാണ് സംഘര്‍ഷത്തിന് ഇടയാക്കിയത്. എസ്.എഫ്.ഐ-കെ.എസ.്യു പ്രവര്‍ത്തകരാണ് ഏറ്റുമുട്ടിയത്. സംഘര്‍ഷത്തില്‍ നിരവധി വിദ്യാര്‍ത്ഥികള്‍ക്ക് പരിക്കേറ്റു. പരിക്കേറ്റ കെ.എസ.്യു ജില്ലാ പ്രസിഡന്റ് ഗോകുല്‍ അടക്കം പത്തോളം പേര്‍ സഞ്ചരിച്ചിരുന്ന ആംബുലന്‍സ് ഒരു സംഘം സി.പി.എം-ഡി.വൈ.എഫ്.ഐ-എസ്.എഫ.്‌ഐ പ്രവര്‍ത്തകര്‍ ചേര്‍ന്ന് കല്ല് വടി വാള് എന്നിവ ഉപയോഗിച്ച് ആക്രമിച്ചതായാണ് പരാതി.. മുരിങ്ങൂര്‍ നയാഗ്ര പെട്രോള്‍ പമ്പിനടുത്തുവെച്ചായിരുന്നു ആക്രമണമെന്നാണ് ആരോപണം. ആംബുലന്‍സിലുണ്ടായിരുന്നവരെ കമ്പി കൊണ്ട് കുത്തി. തുടര്‍ന്ന് പരിക്കേറ്റവര്‍ കൊരട്ടി പോലീസ് സ്റ്റേഷനില്‍ അഭയം പ്രാപിക്കുകയായിരുന്നു കോളേജില്‍ മത്സരാര്‍ത്ഥികളും സംഘാടകരും തമ്മില്‍ തുടങ്ങിയ തര്‍ക്കം വിദ്യാര്‍ത്ഥി സംഘടനകള്‍ ഏറ്റെടുക്കുകയായിരുന്നു. മത്സരങ്ങളും ഫലപ്രഖ്യാപനവും ചോദ്യം ചെയ്തതാണ് സംഘര്‍ഷത്തിന് കാരണം. സംഘര്‍ഷത്തെ തുടര്‍ന്ന് കലോത്സവം നിര്‍ത്തിവെച്ചു. കമ്പി വടിയും, കല്ലുകളും ഉപയോഗിച്ചായിരുന്നു തമ്മില്‍ത്തല്ല്. സംഘര്‍ഷം കടുത്തതോടെ ഡിവൈ.എസ്.പി യുടെ നേതൃത്വത്തിലുള്ള പോലീസ് സംഘം വിദ്യാര്‍ത്ഥികള്‍ക്ക് നേരെ ലാത്തി വീശി.
Menu
Menu
Menu
