തിരുവനന്തപുരം: നീറ്റ് ചോദ്യപേപ്പര് ചോര്ച്ചയില് സമരം ചെയ്ത വിദ്യാര്ഥികളെ വെടിവച്ചു കൊല്ലണമെന്ന് പരസ്യമായി ആഹ്വാനം ചെയ്ത ആര്എസ്എസ് നേതാവ് ടി.ജി. മോഹന്ദാസിന്റെ വിവാദ പരാമര്ശം സൈബര് സെല് ഐജി പി പ്രകാശ് അന്വേഷിക്കും. എഐഎസ്എഫ് സംസ്ഥാന സെക്രട്ടറി ടി ടി ജിസ്മോന്റെ പരാതിയിലാണ് അന്വേഷണത്തിന് ആഭ്യന്തരമന്ത്രി നിര്ദേശം നല്കിയത്. ഡല്ഹിയില് സമരം നടത്തിയ വിദ്യാര്ഥികളെ വെടിവച്ചു കൊല്ലണമായിരുന്നു എന്നാണ് മോഹന്ദാസ് പറഞ്ഞത്. ജന്തര് മന്തറില് നാല് കിലോമീറ്റര് ചുറ്റളവില് കര്ഫ്യൂ പ്രഖ്യാപിക്കണമായിരുന്നു. ജനക്കൂട്ടത്തോട് പിരിഞ്ഞുപോകാന് മൂന്ന് തവണ ആവശ്യപ്പെട്ടശേഷം വെടിവെയ്ക്കണം. കുറേ പേര് മരിക്കും, കുറേ പേര്ക്ക് അംഗഭംഗം സംഭവിക്കും. ഏകദേശം നാല് മണിക്കൂര് കൊണ്ട് രംഗം ശാന്തമാകുമായിരുന്നു. ശവങ്ങള് പെറുക്കി ആശുപത്രിയില് എത്തിക്കണം- ടി ജി മോഹന്ദാസ് പറഞ്ഞു. ഒരു യൂട്യൂബ് ചാനലിലൂടെയായിരുന്നു ടി ജി മോഹന്ദാസിന്റെ പരാമര്ശം.
വിദ്യാര്ഥികള്ക്കെതിരായ ടി.ജി മോഹന്ദാസിന്റെ വിവാദ പരാമര്ശം; സൈബര് സെല് ഐജി അന്വേഷിക്കും
