കൊച്ചി: പ്രശസ്ത ചരിത്രകാരനും, എഴുത്തുകാരനും, രാഷ്ട്രീയനിരീക്ഷകനുമായ ഡോ. എംജിഎസ് നാരായണന് അന്തരിച്ചു. മലാപ്പറമ്പിലെ വസതിയിലായിരുന്നു അന്ത്യം. 92 വയസ്സായിരുന്നു. ഇന്ത്യന് ചരിത്ര ഗവേഷണ കൗണ്സിലിന്റെ അധ്യക്ഷനായിരുന്നു. കാലിക്കറ്റ് സര്വകലാശാല ചരിത്ര വിഭാഗത്തിന്റെ തലവനായി പ്രവര്ത്തിച്ചു. പൊന്നാനി സ്വദേശിയാണ്. ചേര രാജാക്കന്മാരെ കുറിച്ചുള്ള ആധികാരികമായ പഠനം എംജിഎസ് ആണ് നടത്തിയത്.
ഈ പഠനത്തിനുശേഷമാണ് പെരുമാള് ഓഫ് കേരള എന്ന പുസ്തകം എഴുതിയത്. ചരിത്ര രംഗത്തും കേരളത്തിന്റെ സാംസ്കാരിക രംഗത്തും നിറസാന്നിധ്യമായിരുന്നു എംജിഎസ്. ശില താമ്ര ലിഖിതങ്ങള് കണ്ടെത്തിയായിരുന്നു എംജിഎസിന്റെ ഗവേഷണം.കേരള ചരിത്ര ഗവേഷണത്തില് മികവ് തെളിയിച്ചു. അന്തര്ദേശീയ ശ്രദ്ധ നേടിയ ഒട്ടേറെ പ്രബന്ധങ്ങള് പ്രസിദ്ധീകരിച്ചു. ബ്രിട്ടനിലെയും റഷ്യയിലെയും സര്വകലാശാലകളില് വിസിറ്റിംഗ് പ്രൊഫസറായി പ്രവര്ത്തിച്ചിട്ടുണ്ട്.
