തൃശൂര്: എരുമപ്പെട്ടി പന്നിത്തടത്ത് കെഎസ്ആര്ടിസി ബസും മീന് ലോറിയും തമ്മില് കൂട്ടിയിടിച്ച് ബസ് ഡ്രൈവറും കണ്ടക്ടറും ഉള്പ്പടെ 12 പേര്ക്ക് പരിക്കേറ്റു.
ഇന്ന് പുലര്ച്ചെ ഒന്നരയോടെയാണ് അപകടം നടന്നത്. കോഴിക്കോട് നിന്ന് കുമളിയിലേക്ക് പോകുകയായിരുന്ന കെഎസ്ആര്ടിസി ബസും കുന്നംകുളത്ത് നിന്ന് വരികയായിരുന്ന മീന് ലോറിയുമാണ് കൂടിയിടിച്ചത്. കൂടിയിടിച്ച വാഹനങ്ങള് ഇടിച്ച് കയറി രണ്ട് കടകളും തകര്ന്നിട്ടുണ്ട്. കെഎസ്ആര്ടിസി ബസിന്റെയും മീന്ലോറിയുടേയും മുന്വശം പൂര്ണമായും തകര്ന്നു.
പരിക്കേറ്റവരെ കുന്നംകുളത്തുള്ള സ്വകാര്യ ആശുപത്രിയില് പ്രവേശിപ്പിച്ചു. ബസ് ഡ്രൈവറുടെ നില ഗുരുതരമാണ്.
