തൃശൂര്‍: സ്റ്റൈല് മന്നന്‍ രജനീകാന്ത് നായകനായ കൂലി തീയേറ്ററുകളില്‍ പ്രദര്‍ശനം തുടങ്ങി. തൃശൂര്‍ നഗരത്തില്‍ രാഗം തിയേറ്ററില്‍ താളമേളങ്ങളോടെ ആരാധകരുടെ ആഹ്ലാദാരവങ്ങളുമായി കൂലി പ്രദര്‍ശനം തുടങ്ങി. ഇന്ന്് അ്യ്യായിരം വെള്ളിത്തിരകളിലാണ് പ്രദര്‍ശനം. ശ്രീലങ്ക, സിംഗപ്പൂര്‍, ആസ്‌ത്രേലിയ തുടങ്ങിയ വിദേശരാജ്യങ്ങളിലും പ്രദര്‍ശനം തുടങ്ങി.
രണ്ട് വര്‍ഷത്തെ കാത്തിരിപ്പിനൊടുവിലാ രജനിയെ നായകനാക്കി ലോകേഷ് കനകരാജ് സംവിധാനം ചെയ്ത കൂലി തീയേറ്ററുകളിലെത്തിയത്. ‘കൂലി’യുടെ ആദ്യ ഷോ കഴിയുമ്പോള്‍ മികച്ച പ്രതികരണമാണ് പ്രേക്ഷകരില്‍ നിന്നും ലഭിക്കുന്നത്.
നാഗാര്‍ജുനയുടെയും സൗബിന്റെയും പ്രകടനത്തിന് മികച്ച അഭിപ്രായമാണ്. സൗബിന്‍ ഷാഹിറിന്റെ ഇന്‍ട്രോയും ആരാധകരെ ആവേശത്തിലാക്കിയിട്ടുണ്ട്.
മാസ് മോഡലില്‍ രജനിയെ സ്‌ക്രീനില്‍ കാണിക്കാന്‍ ലോകേഷിന് സാധിച്ചു. അനിരുദിന്റെ ബിജിഎം കൂടി എത്തുന്നതോടെ സ്‌ക്രീന്‍ ആവേശമായി മാറിയെന്നാണ് ആരാധകരുടെ അഭിപ്രായം.
