Kerala news

തിരുവനന്തപുരം: ലഹരി മാഫിയകളെ പൂര്‍ണമായും അടിച്ചമര്‍ത്താന്‍ കേരള പോലീസ് നടത്തുന്ന ‘ഓപ്പറേഷന്‍ തൂഫാന്‍ – ദി നാര്‍ക്കോ ഹണ്ട്’ സംസ്ഥാന ചരിത്രത്തിലെ ഏറ്റവും വലിയ മയക്കുമരുന്ന് വിരുദ്ധ വേട്ടയാണെന്ന് ആഭ്യന്തര മന്ത്രി രമേശ് ചെന്നിത്തല. ജൂണ്‍ ഒന്നിന് ആരംഭിച്ച ഈ പ്രത്യേക ഡ്രൈവിലൂടെ ഇതിനോടകം അയ്യായിരത്തിലധികം പേരുടെ അറസ്റ്റ് രേഖപ്പെടുത്തുകയും നാലായിരത്തിലേറെ കേസുകള്‍ രജിസ്റ്റര്‍ ചെയ്യുകയും ചെയ്തതായി മന്ത്രി അറിയിച്ചു. മുന്‍പ് മയക്കുമരുന്ന് വിപണിയില്‍ പഞ്ചാബ് ആയിരുന്നു മുന്നിലെങ്കില്‍ ഇന്നത് കേരളമായി മാറിയിരിക്കുകയാണെന്നും അദ്ദേഹം ആശങ്ക പ്രകടിപ്പിച്ചു.

ന്യൂഡല്‍ഹി: ഇറാന്‍ യുദ്ധത്തെത്തുടര്‍ന്നുണ്ടായ ആഗോള ഊര്‍ജ്ജ പ്രതിസന്ധി ഘട്ടത്തില്‍ ആഭ്യന്തര ഇന്ധനലഭ്യത ഉറപ്പാക്കാന്‍ ഏര്‍പ്പെടുത്തിയ നിയന്ത്രണങ്ങള്‍ ഇന്ത്യ പിന്‍വലിച്ചു. ചില്ലറ വില്‍പ്പന കേന്ദ്രങ്ങളില്‍ നിന്ന് വാണിജ്യ ആവശ്യങ്ങള്‍ക്കായി പെട്രോള്‍, ഡീസല്‍ എന്നിവ വാങ്ങുന്നതിന് ഏര്‍പ്പെടുത്തിയിരുന്ന നിയന്ത്രണങ്ങള്‍ ജൂലായ് ഒന്ന് മുതല്‍ ഒഴിവാക്കിയതായി സര്‍ക്കാര്‍ അറിയിച്ചു.

കൊച്ചി: ചലച്ചിത്ര താരം ഹണി റോസിനെതിരെ നടത്തിയ അധിക്ഷേപ പരാമര്‍ശങ്ങളില്‍ പരസ്യമായി ഖേദം പ്രകടിപ്പിച്ച് വ്യവസായി ബോബി ചെമ്മണ്ണൂര്‍. തന്റെ വാക്കുകള്‍ നടിക്കും കുടുംബത്തിനും ഉണ്ടാക്കിയ മാനസിക പ്രയാസങ്ങള്‍ക്ക് പൂര്‍ണ ഉത്തരവാദിത്തം ഏറ്റെടുക്കുന്നുവെന്നും, ആത്മാര്‍ത്ഥമായ ക്ഷമാപണം സ്വീകരിച്ച് തനിക്കെതിരെയുള്ള നിയമനടപടികള്‍ പിന്‍വലിക്കണമെന്നും അദ്ദേഹം ആവശ്യപ്പെട്ടു. ഇന്‍സ്റ്റാഗ്രാമിലൂടെയാണ് ബോബി ചെമ്മണ്ണൂര്‍ ക്ഷമാപണ കുറിപ്പ് പങ്കുവെച്ചത്

തിരുവനന്തപുരം: കോര്‍പറേഷന്‍ കൗണ്‍സില്‍ യോഗത്തിനിടെ കൂട്ടയടി.  ബിജെപി-യുഡിഎഫ് അംഗങ്ങള്‍ ഏറ്റുമുട്ടി. കാപ്പാ കേസ് പ്രതിയായ ആര്‍. സുഗതനെ പുറത്താക്കണമെന്ന് ആവശ്യപ്പെട്ട് യുഡിഎഫ് അംഗങ്ങള്‍ നടുക്കളത്തില്‍ ഇറങ്ങി പ്രതിഷേധിച്ചു. ഇവരെ പ്രതിരോധിക്കാന്‍ ബിജെപി അംഗങ്ങളും എത്തിയതോടെയാണ് കൂട്ടത്തല്ലില്‍ കലാശിച്ചത്. യുഡിഎഫ് അംഗങ്ങളുടെ പ്രതിഷേധം നടക്കുന്നതിനിടെ അജണ്ടകള്‍ മുഴുവന്‍ വേഗത്തില്‍ പാസാക്കി കൗണ്‍സില്‍ യോഗം അവസാനിപ്പിച്ചതായി മേയര്‍ വി.വി.രാജേഷ് പറഞ്ഞു. പിന്നാലെ ബിജെപിയും എല്‍ഡിഎഫും യുഡിഎഫും പരസ്പരം ചേരിതിരിഞ്ഞ് മുദ്രാവാക്യം വിളിച്ചു. ഇതിനിടെ കൗണ്‍സിലര്‍മാരുടെ ഹാജര്‍ രജിസ്റ്റര്‍ കൈക്കലാക്കാന്‍ ഇരു …

തിരുവനന്തപുരം കോര്‍പറേഷന്‍ യോഗത്തില്‍ കൂട്ടത്തല്ല്- Read More »

തൃശൂര്‍: തൃശൂരില്‍ യുണൈറ്റഡ് നഴ്‌സസ് അസോസിയേഷന്റെ നേതൃത്വത്തില്‍ ബിഷപ്പ് ഹൗസ് ഉപരോധിച്ചു. നഴ്‌സുമാരുടെ ശമ്പള വര്‍ധന ഉള്‍പ്പടെയുള്ള ആവശ്യങ്ങളില്‍ നടന്ന ചര്‍ച്ച പരാജയപ്പെട്ടതിനെ തുടര്‍ന്നാണ് സമരം ശക്തമാക്കിയത്. അമല, ജൂബിലി മെഡിക്കല്‍ കോളേജ് ആശുപത്രിയിലെ നഴ്‌സുമാരാണ് ബിഷപ്പ് ഹൗസ് ഉപരോധിച്ചത്. നഴ്‌സുമാര്‍ റോഡ് ഉപരോധിച്ചു. രാത്രിയെ കനത്തമഴയിലും നഴ്‌സുമാര്‍ റോഡ് ഉപരോധിക്കുകയാണ്

കൊച്ചി : കീം പരീക്ഷയിൽ ഒന്നാം റാങ്ക് അങ്കമാലി അയ്യമ്പുഴ സ്വദേശി റോഷൻ രാജുവിന്. രണ്ടാം റാങ്ക് നേടിയത് കണ്ണൂർ ചെറുവാഞ്ചേരി സ്വദേശി ധ്യാൻ തേജ്. മൂന്നാം റാങ്ക് തൃശൂർ എരവത്തൂർ സ്വദേശി കെ ആർ വിസ്മയക്ക്. ഫാർമസിയിൽ ഒന്നാം റാങ്ക് തൃശൂർ പോട്ട സ്വദേശി വിനായകൻ നാരായണന്. ഫാർമസിയിൽ രണ്ടാം റാങ്ക് തൃശൂർ ഒല്ലൂർ സ്വദേശി ജസ്സെ ജസ്റ്റിന്. മൂന്നാം റാങ്ക് നേടിയത് മലപ്പുറം സ്വദേശി ദിയ ഫാത്തിമ.

ചെന്നൈ: തമിഴിലെ ഹിറ്റ് ചിത്രങ്ങളുടെ സംവിധായകനും നടനും തിരക്കഥാകൃത്തുമായ കെ. ഭാഗ്യരാജ് (73) അന്തരിച്ചു. ഹൃദയാഘാതത്തെ തുടര്‍ന്ന് രാവിലെ  ചെന്നൈയിലെ അപ്പോളോ ആശുപത്രിയില്‍ എത്തിച്ചെങ്കിലും അപ്പോഴേക്കും മരണം സംഭവിച്ചിരുന്നു. മുന്താണൈ മുടിച്ചു, അന്ത 7 നാട്കള്‍, മൗന ഗീതങ്ങള്‍, ഡാര്‍ലിംഗ് ഡാര്‍ലിംഗ് ഡാര്‍ലിംഗ്, ചിന്ന വീട് എന്നിവയാണ് പ്രധാന ചിത്രങ്ങള്‍. തമിഴ് സിനിമയിലെ എക്കാലത്തെയും മികച്ച കഥാകാരന്മാരില്‍ ഒരാളായ ഭാരതിരാജയുടെ സഹായിയായിട്ടാണ് അദ്ദേഹം സിനിമാ ജീവിതം ആരംഭിച്ചത്. തുടര്‍ന്ന് തനതായ ഹാസ്യശൈലിയും കുടുംബ പശ്ചാത്തലമുള്ള കഥകളും കൊണ്ട് …

കെ.ഭാഗ്യരാജ് അന്തരിച്ചു Read More »

ദില്ലി: അയോധ്യ രാമക്ഷേത്ര സംഭാവന തട്ടിപ്പില്‍ ആരോപണവിധേയനായ വിഎച്ച്പി ഉപാധ്യക്ഷനും ട്രസ്റ്റ് ജനറല്‍ സെക്രട്ടറിയുമായ ചമ്പത് റായി രാജി വച്ചു. രാമക്ഷേത്ര ട്രസ്റ്റംഗം അനില്‍ മിശ്രയും രാജി നല്‍കി. കടുത്ത സമ്മര്‍ദ്ദത്തെ തുടര്‍ന്ന് ചമ്പത് റായിക്കെതിരെ നടപടി സ്വീകരിക്കാന്‍ സര്‍ക്കാര്‍ തീരുമാനിച്ചിരുന്നു. ഇതിന് പിന്നാലെയാണ് ചമ്പത് റായിയുടെ രാജി. വിവാദത്തിന് പിന്നാലെ, അയോധ്യ ക്ഷേത്രത്തിന്റെ ഭരണ ചുമതല ജില്ലാ മജിസ്ട്രേറ്റിന് നല്‍കിയിരുന്നു.

തൃശൂർ : തൃശൂരിലെ അതീവ സുരക്ഷിത മേഖലകളില്‍ ഡ്രോണ്‍ പറത്തിയതില്‍ പൊലീസ് അന്വേഷണം ആരംഭിച്ചു. സ്വരാജ് റൗണ്ട്, വിയ്യൂര്‍ ജയില്‍ ഫയര്‍ഫോഴ്‌സ് അക്കാദമി, എന്‍ജിനീയറിങ് കോളേജ് എന്നിവിടങ്ങളിലാണ് ഇന്ന് പുലര്‍ച്ചെ ഡ്രോണ്‍ പറന്നത്. 60 മീറ്റര്‍ ഉയരത്തില്‍ ആയിരുന്നു ഡ്രോണ്‍ പറത്തിയത്. സുരക്ഷിത മേഖലകളില്‍ ഡ്രോണ്‍ പറത്തുന്നതുമായി ബന്ധപ്പെട്ട് കര്‍ശന നിയന്ത്രണങ്ങളുണ്ട്.

കയ്പമംഗലം: തൃശ്ശൂർ റൂറൽ ജില്ലാ പോലീസ് മേധാവി മുഹമ്മദ് നദീം ഐ.പി.എസ്-ന്റെ നേതൃത്വത്തിൽ ലഹരി മാഫിയക്കെതിരെ നടന്നു വരുന്ന ശക്തമായ നടപടിയായ ‘ഓപ്പറേഷൻ തൂഫാൻ’-ന്റെ ഭാഗമായി കയ്പമംഗലത്ത് വൻ മയക്കുമരുന്ന് വേട്ട. മാരക മയക്കുമരുന്നായ രണ്ടര കിലോയോളം (2.5 Kg) ഹാഷിഷ് ഓയിലുമായി കുപ്രസിദ്ധ ഗുണ്ട കാളമുറി പടിഞ്ഞാറ് പഴൂപറമ്പിൽ വീട്ടിൽ അർജുൻ തമ്പി (29) എന്നയാളെ കയ്പമംഗലം പോലീസും ഡാൻസാഫ് (DANSAF) സംഘവും ചേർന്ന് പിടികൂടി. ജൂൺ 25-ാം തിയ്യതി വൈകീട്ടോടെ പ്രതിയുടെ കാളമുറിയിലുള്ള വീട്ടിൽ …

കയ്പമംഗലത്ത് വൻ ലഹരി വേട്ട; 2 ½ കിലോയോളം ഹാഷിഷ് ഓയിലുമായി കുപ്രസിദ്ധ ഗുണ്ട അർജുൻ തമ്പി അറസ്റ്റിൽ Read More »