കൊച്ചി: പെട്രോളിനും ഡീസലിനും ലിറ്ററിന് രണ്ടുരൂപ കുറച്ചു. കേന്ദ്ര പെട്രോളിയം മന്ത്രി ഹര്ദീപ് സിങ് പുരിയാണ് ഇക്കാര്യം എക്സിലൂടെ പ്രഖ്യാപിച്ചത്. നാളെരാവിലെ ആറുമണിമുതല് പുതിയ നിരക്ക് നിലവില്വരും.
പെട്രോളിനും ഡീസലിനും നേരത്തെയും കേന്ദ്ര സര്ക്കാര് വില കുറച്ചിരുന്നു. അതിന് അനുസരിച്ച് സംസ്ഥാനങ്ങളും നികുതിയില് ഇളവ് നല്കി വില കുറയ്ക്കണമെന്ന് കേന്ദ്ര സര്ക്കാര് നിര്ദേശം നല്കിയിരുന്നു.
നേരത്തെ കര്ണാടക ഉള്പ്പെടെയുള്ള സംസ്ഥാനങ്ങള് ഇന്ധന നികുതിയില് ഇളവ് വരുത്തിയിരുന്നെങ്കിലും കേരളം കുറച്ചിരുന്നില്ല. ഡല്ഹിയില് നിലവില് ഒരു ലിറ്റര് പെട്രോളിന് 96 രൂപയാണ് വില. രണ്ടു രൂപ കുറയുന്നതോടെ ഇത് 94 രൂപയാകും. കഴിഞ്ഞയാഴ്ച പാചകവാതക സിലിണ്ടറിന് നൂറ് രൂപ കുറച്ചിരുന്നു. ലോക്സഭാ തിരഞ്ഞെടുപ്പിന് ആഴ്ചകള് മാത്രം ശേഷിക്കേയാണ് ഇന്ധനവില കുറച്ചുകൊണ്ടുള്ള പ്രഖ്യാപനം ഉണ്ടായിരിക്കുന്നത്.
