കൊച്ചി: കൊട്ടാരക്കര താലൂക്ക് ആശുപത്രിയില് ഡോ.വന്ദനദാസ് കുത്തേറ്റ് മരിച്ച സംഭവത്തില് പോലീസിനെതിരെ രൂക്ഷ വിമര്ശനവുമായി ഹൈക്കോടതി. പോലീസിന് ഗുരുതരമായ വീഴ്ച വന്നു. പോലീസിനെ വ്യക്തിപരമായി വിമര്ശിക്കുകയല്ല, മറിച്ച് സംവിധാനത്തിനാണ് വീഴ്ചയെന്നും ഡിവിഷന് ബഞ്ച് ചൂണ്ടിക്കാട്ടി. ഡോക്ടര്മാരുടെ സമരം ഇന്നും തുടരുന്നില്ലേയെന്ന് കോടതി ചോദിച്ചു. ഭയം മൂലമാണ് ഡോക്ടര്മാരുടെ സമരമെന്നും കോടതി അഭിപ്രായപ്പെട്ടു. ആശുപത്രിയില് ഡോക്ടര്മാര്ക്ക് സംരക്ഷണം നല്കാന് കഴിയണം. ഇങ്ങനെയാണ് സ്ഥിതിയെങ്കില് മജിസ്ട്രേറ്റുമാര് പോലും ആക്രമിക്കപ്പെടുന്ന സാഹചര്യം ഉണ്ടാകും.
സംഭവം ഏറെ ദുഖകരമാണെന്ന് പറഞ്ഞ കോടതി, പൊലീസിന്റെ കൈയ്യില് തോക്കുണ്ടായിരുന്നില്ലേയെന്നും എന്തിനാണ് പൊലീസിന് തോക്കെന്നും ചോദിച്ചു. ജനങ്ങളുടെ പ്രാഥമിക സുരക്ഷാ ചുമതല പൊലീസിനല്ലേയെന്നും കോടതി ചോദിച്ചു.
സംസ്ഥാന പൊലീസ് മേധാവി അനില്കാന്തിനോട് ഓണ്ലൈനായി കോടതിയില് ഹാജരാകാന് ഹൈക്കോടതി ആവശ്യപ്പെട്ടു. ഡോക്ടര് വന്ദനയ്ക്കെതിരെ ആക്രമണം നടന്ന സ്ഥലത്തെ സിസി ടിവി ദൃശ്യങ്ങള് സംരക്ഷിക്കണം. സ്ഥലം മജിസ്ട്രേറ്റ് താലൂക്കാശുപത്രി സന്ദര്ശിച്ച് സംഭവങ്ങളും സാഹചര്യങ്ങളും സംബന്ധിച്ച് റിപ്പോര്ട്ട് നല്കണം. ഇക്കാര്യം ആശുപത്രി സൂപ്രണ്ട് ഉറപ്പാക്കണമെന്നും ഇടക്കാല ഉത്തരവ്. പ്രതികളെ മജിസ്ട്രേറ്റുമാര്ക്ക് മുന്നില് ഹാജരാക്കുമ്പോഴുളള അതേ സുരക്ഷാ ക്രമീകരണങ്ങള് ഡോക്ടര്മാരുടെ മുന്നില് ഹാജരാക്കുമ്പോഴും വേണമെന്ന് കോടതി ആവശ്യപ്പെട്ടു. ആവശ്യമെങ്കില് അതിനുളള നിയമപരമായ നടപടികള് സ്വീകരിക്കണമെന്ന് സര്ക്കാരിനോട് കോടതി നിര്ദ്ദേശിച്ചു.
ഏറെ ദുഖകരമായ സംഭവമാണ് ഡോക്ടര് വന്ദന ദാസിന്റെ മരണമെന്ന് ഹൈക്കോടതി പറഞ്ഞു. കൊല്ലപ്പെട്ട വന്ദനയുടെ കുടുംബത്തിനും ബന്ധുക്കള്ക്കും സുഹൃത്തുക്കള്ക്കും താങ്ങാനാകാത്ത സംഭവമാണെന്ന് അറിയാം. കൊല്ലപ്പെട്ട വന്ദനയ്ക്ക് ആദരാഞ്ജലികള് രേഖപ്പെടുത്തുന്നു. രാജ്യത്ത് മുമ്പ് എവിടെയെങ്കിലും ഇത്തരമൊരു സംഭവം ഉണ്ടായാട്ടുണ്ടോ ഡോക്ടര്മാരെ സംരക്ഷിക്കാന് കഴിയില്ലെങ്കില് ആശുപത്രികള് അടച്ചു പൂട്ടുകയല്ലേ വേണ്ടതെന്നും സംസ്ഥാന സര്ക്കാരിനോട് കോടതി ചോദിച്ചു.
വെറും 22 വയസ് മാത്രം പ്രായമുള്ള യുവ ഡോക്ടറുടെ കുടുംബത്തിനേറ്റ ദുഃഖത്തിന്റെ ആഘാതം തിരിച്ചറിയണമെന്ന് കോടതി ആവശ്യപ്പെട്ടു. സുരക്ഷാ സംവിധാനം എന്തിനെന്ന് സര്ക്കാരിനോട് ചോദിച്ച കോടതി, സംഭവങ്ങളെ മുന്കൂട്ടി കാണാന് സാധിക്കണമെന്നും അങ്ങനെ ഇത്തരം സംഭവങ്ങള് തടയാന് പൊലീസിനാകണമെന്നും അദ്ദേഹം പറഞ്ഞു. ഇതേ സംഭവം നാളെ മറ്റ് ആശുപത്രികളിലും നടക്കില്ലേയെന്ന് കോടതി ചോദിച്ചു. ഇത്തരം സംഭവങ്ങള് ഭാവിയിലും പ്രതീക്ഷിക്കണം. സുരക്ഷ ഏര്പെടുത്തണമെന്നത് കോടതിയല്ല പറയേണ്ടത്. അത് സര്ക്കാര് ചെയ്യേണ്ടതാണെന്നും കോടതി പറഞ്ഞു. വിദ്യാര്ത്ഥികളും ,രക്ഷകര്ത്താക്കളും ഭയപ്പാടിലാണെന്ന് ആരോഗ്യ സര്വകലാശാലയുടെ അഭിഭാഷകന് ചൂണ്ടിക്കാട്ടി.
ഇതില്ക്കൂടുതല് എന്ത് സംഭവിക്കാനാണെന്നും കോടതി ചോദിച്ചു. യുവ ഡോക്ടറാണ് കൊല്ലപ്പെട്ടതെന്ന കാര്യം ആരും മറക്കരുത്. ഇക്കാര്യത്തില് പൊലീസ് പൂര്ണമായും പരാജയപ്പെട്ടു. പ്രതികളെ മജിസ്ട്രേറ്റുമാരുടെ വസതിയില് ഹാജരാക്കുമ്പോള് എന്താണ് നടപടികളെന്ന് സര്ക്കാരിനോട് കോടതി ചോദിച്ചു. പ്രതിയ്ക്കു മുന്നിലേക്ക് ഡോക്ടറെ എറിഞ്ഞുകൊടുക്കുന്നത് ശരിയാണോ പ്രത്യേകിച്ചും 22 വയസുളള യുവ ഡോക്ടറുടെ മുന്നിലേക്കെന്നും കോടതി ചോദിച്ചു.
കൊല്ലപ്പെട്ട പെണ്കുട്ടിയുടെ മാതാപിതാക്കളെ എങ്ങനെ അഭിമുഖീകരിക്കുമെന്ന് സര്ക്കാരിനോട് കോടതി ചോദിച്ചു. സര്ക്കാര് ആശുപത്രിയിലാണ് സംഭവം ഉണ്ടായത്. ആരാണ് ഉത്തരവാദിത്തം പറയേണ്ടത് സമാനമായ സംഭവങ്ങള് ഇനിയും ആവര്ത്തിക്കപ്പെടുമെന്ന് പറഞ്ഞ കോടതി, ഇത് തടയാന് എന്താണ് ചെയ്യാന് പറ്റുകയെന്ന് പറയാനും പൊലീസിനോട് ആവശ്യപ്പെട്ടു. എല്ലാവരും രണ്ടോ മൂന്നോ ദിവസം കഴിയുമ്പോള് ഇത് മറക്കും. മരിച്ചയാളുടെ കുടുംബം ജീവിതകാലം മുഴുവന് വേദന തിന്നും. നാലോ അഞ്ചോ പൊലീസുകാര് നോക്കിനില്ക്കുമ്പോഴാണ് യുവ ഡോക്ടര് കൊല്ലപ്പെട്ടത്. പ്രതിയുടെ പ്രത്യാക്രണങ്ങളെ തടയാന് പരിശീലനം കിട്ടിയവരല്ലേ പൊലീസുകാരെന്നും കോടതി ചോദിച്ചു. വിഷയം ആളിക്കത്തിക്കാന് സര്ക്കാര് ശ്രമിക്കുന്നു, ന്യായീകരിക്കാനാണ് പോലീസിന്റെ ശ്രമമെന്നും കോടതി ചൂണ്ടിക്കാട്ടി.
ഡോ.വന്ദനയുടെ കൊലപാതകം; പോലീസിനെതിരെ ഹൈക്കോടതി
കൊച്ചി: കൊട്ടാരക്കര താലൂക്ക് ആശുപത്രിയില് ഡോ.വന്ദനദാസ് കുത്തേറ്റ് മരിച്ച സംഭവത്തില് പോലീസിനെതിരെ രൂക്ഷ വിമര്ശനവുമായി ഹൈക്കോടതി. പോലീസിന് ഗുരുതരമായ വീഴ്ച വന്നു. പോലീസിനെ വ്യക്തിപരമായി വിമര്ശിക്കുകയല്ല, മറിച്ച് സംവിധാനത്തിനാണ് വീഴ്ചയെന്നും ഡിവിഷന് ബഞ്ച് ചൂണ്ടിക്കാട്ടി. ഡോക്ടര്മാരുടെ സമരം ഇന്നും തുടരുന്നില്ലേയെന്ന് കോടതി ചോദിച്ചു. ഭയം മൂലമാണ് ഡോക്ടര്മാരുടെ സമരമെന്നും കോടതി അഭിപ്രായപ്പെട്ടു. ആശുപത്രിയില് ഡോക്ടര്മാര്ക്ക് സംരക്ഷണം നല്കാന് കഴിയണം. ഇങ്ങനെയാണ് സ്ഥിതിയെങ്കില് മജിസ്ട്രേറ്റുമാര് പോലും ആക്രമിക്കപ്പെടുന്ന സാഹചര്യം ഉണ്ടാകും.
സംഭവം ഏറെ ദുഖകരമാണെന്ന് പറഞ്ഞ കോടതി, പൊലീസിന്റെ കൈയ്യില് തോക്കുണ്ടായിരുന്നില്ലേയെന്നും എന്തിനാണ് പൊലീസിന് തോക്കെന്നും ചോദിച്ചു. ജനങ്ങളുടെ പ്രാഥമിക സുരക്ഷാ ചുമതല പൊലീസിനല്ലേയെന്നും കോടതി ചോദിച്ചു.
സംസ്ഥാന പൊലീസ് മേധാവി അനില്കാന്തിനോട് ഓണ്ലൈനായി കോടതിയില് ഹാജരാകാന് ഹൈക്കോടതി ആവശ്യപ്പെട്ടു. ഡോക്ടര് വന്ദനയ്ക്കെതിരെ ആക്രമണം നടന്ന സ്ഥലത്തെ സിസി ടിവി ദൃശ്യങ്ങള് സംരക്ഷിക്കണം. സ്ഥലം മജിസ്ട്രേറ്റ് താലൂക്കാശുപത്രി സന്ദര്ശിച്ച് സംഭവങ്ങളും സാഹചര്യങ്ങളും സംബന്ധിച്ച് റിപ്പോര്ട്ട് നല്കണം. ഇക്കാര്യം ആശുപത്രി സൂപ്രണ്ട് ഉറപ്പാക്കണമെന്നും ഇടക്കാല ഉത്തരവ്. പ്രതികളെ മജിസ്ട്രേറ്റുമാര്ക്ക് മുന്നില് ഹാജരാക്കുമ്പോഴുളള അതേ സുരക്ഷാ ക്രമീകരണങ്ങള് ഡോക്ടര്മാരുടെ മുന്നില് ഹാജരാക്കുമ്പോഴും വേണമെന്ന് കോടതി ആവശ്യപ്പെട്ടു. ആവശ്യമെങ്കില് അതിനുളള നിയമപരമായ നടപടികള് സ്വീകരിക്കണമെന്ന് സര്ക്കാരിനോട് കോടതി നിര്ദ്ദേശിച്ചു.
ഏറെ ദുഖകരമായ സംഭവമാണ് ഡോക്ടര് വന്ദന ദാസിന്റെ മരണമെന്ന് ഹൈക്കോടതി പറഞ്ഞു. കൊല്ലപ്പെട്ട വന്ദനയുടെ കുടുംബത്തിനും ബന്ധുക്കള്ക്കും സുഹൃത്തുക്കള്ക്കും താങ്ങാനാകാത്ത സംഭവമാണെന്ന് അറിയാം. കൊല്ലപ്പെട്ട വന്ദനയ്ക്ക് ആദരാഞ്ജലികള് രേഖപ്പെടുത്തുന്നു. രാജ്യത്ത് മുമ്പ് എവിടെയെങ്കിലും ഇത്തരമൊരു സംഭവം ഉണ്ടായാട്ടുണ്ടോ ഡോക്ടര്മാരെ സംരക്ഷിക്കാന് കഴിയില്ലെങ്കില് ആശുപത്രികള് അടച്ചു പൂട്ടുകയല്ലേ വേണ്ടതെന്നും സംസ്ഥാന സര്ക്കാരിനോട് കോടതി ചോദിച്ചു.
വെറും 22 വയസ് മാത്രം പ്രായമുള്ള യുവ ഡോക്ടറുടെ കുടുംബത്തിനേറ്റ ദുഃഖത്തിന്റെ ആഘാതം തിരിച്ചറിയണമെന്ന് കോടതി ആവശ്യപ്പെട്ടു. സുരക്ഷാ സംവിധാനം എന്തിനെന്ന് സര്ക്കാരിനോട് ചോദിച്ച കോടതി, സംഭവങ്ങളെ മുന്കൂട്ടി കാണാന് സാധിക്കണമെന്നും അങ്ങനെ ഇത്തരം സംഭവങ്ങള് തടയാന് പൊലീസിനാകണമെന്നും അദ്ദേഹം പറഞ്ഞു. ഇതേ സംഭവം നാളെ മറ്റ് ആശുപത്രികളിലും നടക്കില്ലേയെന്ന് കോടതി ചോദിച്ചു. ഇത്തരം സംഭവങ്ങള് ഭാവിയിലും പ്രതീക്ഷിക്കണം. സുരക്ഷ ഏര്പെടുത്തണമെന്നത് കോടതിയല്ല പറയേണ്ടത്. അത് സര്ക്കാര് ചെയ്യേണ്ടതാണെന്നും കോടതി പറഞ്ഞു. വിദ്യാര്ത്ഥികളും ,രക്ഷകര്ത്താക്കളും ഭയപ്പാടിലാണെന്ന് ആരോഗ്യ സര്വകലാശാലയുടെ അഭിഭാഷകന് ചൂണ്ടിക്കാട്ടി.
ഇതില്ക്കൂടുതല് എന്ത് സംഭവിക്കാനാണെന്നും കോടതി ചോദിച്ചു. യുവ ഡോക്ടറാണ് കൊല്ലപ്പെട്ടതെന്ന കാര്യം ആരും മറക്കരുത്. ഇക്കാര്യത്തില് പൊലീസ് പൂര്ണമായും പരാജയപ്പെട്ടു. പ്രതികളെ മജിസ്ട്രേറ്റുമാരുടെ വസതിയില് ഹാജരാക്കുമ്പോള് എന്താണ് നടപടികളെന്ന് സര്ക്കാരിനോട് കോടതി ചോദിച്ചു. പ്രതിയ്ക്കു മുന്നിലേക്ക് ഡോക്ടറെ എറിഞ്ഞുകൊടുക്കുന്നത് ശരിയാണോ പ്രത്യേകിച്ചും 22 വയസുളള യുവ ഡോക്ടറുടെ മുന്നിലേക്കെന്നും കോടതി ചോദിച്ചു.
കൊല്ലപ്പെട്ട പെണ്കുട്ടിയുടെ മാതാപിതാക്കളെ എങ്ങനെ അഭിമുഖീകരിക്കുമെന്ന് സര്ക്കാരിനോട് കോടതി ചോദിച്ചു. സര്ക്കാര് ആശുപത്രിയിലാണ് സംഭവം ഉണ്ടായത്. ആരാണ് ഉത്തരവാദിത്തം പറയേണ്ടത് സമാനമായ സംഭവങ്ങള് ഇനിയും ആവര്ത്തിക്കപ്പെടുമെന്ന് പറഞ്ഞ കോടതി, ഇത് തടയാന് എന്താണ് ചെയ്യാന് പറ്റുകയെന്ന് പറയാനും പൊലീസിനോട് ആവശ്യപ്പെട്ടു. എല്ലാവരും രണ്ടോ മൂന്നോ ദിവസം കഴിയുമ്പോള് ഇത് മറക്കും. മരിച്ചയാളുടെ കുടുംബം ജീവിതകാലം മുഴുവന് വേദന തിന്നും. നാലോ അഞ്ചോ പൊലീസുകാര് നോക്കിനില്ക്കുമ്പോഴാണ് യുവ ഡോക്ടര് കൊല്ലപ്പെട്ടത്. പ്രതിയുടെ പ്രത്യാക്രണങ്ങളെ തടയാന് പരിശീലനം കിട്ടിയവരല്ലേ പൊലീസുകാരെന്നും കോടതി ചോദിച്ചു. വിഷയം ആളിക്കത്തിക്കാന് സര്ക്കാര് ശ്രമിക്കുന്നു, ന്യായീകരിക്കാനാണ് പോലീസിന്റെ ശ്രമമെന്നും കോടതി ചൂണ്ടിക്കാട്ടി.
