Author name: Jimon Paul

തൃശൂര്‍: വസ്ത്രവ്യാപാരരംഗത്ത് അടുത്ത വര്‍ഷം നൂറിന്റെ നിറവിലെത്തുന്ന പുളിമൂട്ടില്‍ സില്‍ക്‌സ് പൂരനഗരത്തില്‍ പുതിയ രൂപത്തിലും പകിട്ടിലും പ്രവര്‍ത്തനം തുടങ്ങി. മേയര്‍ എം.കെ.വര്‍ഗീസ് ഉദ്ഘാടനം നിര്‍വഹിച്ചു. കൗണ്‍സിലര്മാരായ രാജൻ ജെ പല്ലൻ, റെജി ജോയി ചാക്കോള, വര്‍ഗീസ് കണ്ടംകുളത്തി, ഐ.പി.പോള്‍, എം.പി.വിന്‍സെന്റ്, പുളിമൂട്ടില്‍ സില്‍ക്‌സിന്റെ ഡയറക്ടര്‍മാരായ എബ്രഹാം ചാക്കോ, ജേക്കബ് എബ്രഹാം, ജേക്കബ് ജോണ്‍, ജേക്കബ് സ്റ്റീഫന്‍ തുടങ്ങിയ നിരവധി പ്രമുഖര്‍ ചടങ്ങിനെത്തി. ഉപഭോക്താക്കള്‍ക്ക് പുതിയ അനുഭവം പകരുന്ന പരിഷ്‌ക്കാരങ്ങളാണ് ‘ പുളിമൂട്ടില്‍ സില്‍ക്‌സില്‍ സജ്ജമാക്കിയിരിക്കുന്നത്. കെട്ടിടത്തിന്റെ മുന്‍ഭാഗം

കൊടുങ്ങല്ലൂര്‍: ഭക്തിധന്യതയില്‍ ശ്രീകുരുംബക്കാവ് ഭഗവതി ക്ഷേത്രത്തില്‍  കോമരങ്ങളും, ഭക്തരും കാവുതീണ്ടി. ഇത്തവണ പതിനായിരങ്ങളാണ് അശ്വതി കാവുതീണ്ടലിന് എത്തിയത്. രാവിലെ മുതല്‍ തന്നെ പലദേശങ്ങളില്‍ നിന്നും വ്രതമെടുത്ത് എത്തിയ കോമരങ്ങളും ഭക്തരും ചെറുസംഘങ്ങളായി ക്ഷേത്രത്തില്‍ എത്തി അവകാശത്തറകളില്‍ തമ്പടിച്ചു. കാല്‍ച്ചിലമ്പ് കുലുക്കിയും, പള്ളിവാളുകൊണ്ട് നെറ്റിയില്‍ നിന്ന് ചുടുചോരയൊലിപ്പിച്ചും, മുളന്തണ്ടില്‍ താളമിട്ടും കോമരങ്ങള്‍ ഉറഞ്ഞുതുള്ളി. ദേവീശരണം വിളികളോടെ ക്ഷേത്രശ്രീകോവിലിലെ ചെമ്പോലത്തകിടില്‍ ആഞ്ഞടിച്ച് കോമരങ്ങള്‍ ആര്‍ത്തിരമ്പി. ക്ഷേത്രാങ്കണം മഞ്ഞളില്‍ ആറാടി. കാവുതീണ്ടിയ ഭക്തർ നിലപാടു തറയില്‍ വലിയ തമ്പുരാനെ വണങ്ങി. അശ്വതി

ക്ഷീര മേഖലയിലും തൊഴിൽ സംരംഭങ്ങൾക്കും സ്വന്തം ബ്രാൻഡ് , 32 വനിത ഫിറ്റ്നെസ് സെന്റർ ആരംഭിക്കുന്നതിനായി 60 ലക്ഷം ,വടക്കാഞ്ചേരി ജില്ലാ ആശുപത്രിക്ക് 75 ലക്ഷം , വിദ്യാർഥിനികൾക്ക് കരാട്ടെ, കളരി, തയ്‌ക്കൊണ്ടോ തുടങ്ങിയ ആയോധനകലകൾ പരിശീലിപ്പിക്കുന്നതിന് 10 ലക്ഷം തൃശൂർ : ജില്ലാ പഞ്ചായത്തിൻ്റെ 2023- 24 വർഷത്തെ ബജറ്റ് വൈസ് പ്രസിഡൻ്റ് ലത ചന്ദ്രൻ അവതരിപ്പിച്ചു. 134,01,50,422 രൂപ വരവും 133,33,10,000 രൂപ ചെലവും 68,40,422 രൂപ നീക്കിയിരിപ്പും പ്രതീക്ഷിക്കുന്ന ബജറ്റാണ് അവതരിപ്പിച്ചത്.കാർഷിക – അനുബന്ധ

വിത്തും, ഇലകളും, അടയ്ക്കാതോടും   അലങ്കാര ഉത്പന്നങ്ങളാകും തൃശൂര്‍:  കൊയ്‌തൊഴിഞ്ഞ പാടത്തെ ചിങ്ങടപ്പുല്ലില്‍ നിന്നും, തൊടികളില്‍ വീണുകിടക്കുന്ന പനയോലകളില്‍ നിന്നും, കവുങ്ങിന്‍ പാളകളില്‍ നിന്നും വരെ അലങ്കാരവസ്തുക്കളൊരുക്കുന്ന വേറിട്ടൊരു നിര്‍മ്മാണ രീതിയുമായി കലാകാരി വിജി വാണിയംകുളം.വിജി നിര്‍മ്മിച്ച പാഴ് വസ്തുക്കളുടെ ‘പൂങ്കാവനം’ കാണാം. കാഴ്ചക്കാര്‍ക്ക് കൗതുകമായിവഴിയരികില്‍ വലിച്ചെറിയുന്ന പാഴ്‌വസ്തുക്കള്‍  പൂക്കളായും, പൂക്കൂടകളായും, ഇലകളായും, വിവിധ തരത്തിലുള്ള അലങ്കാരവസ്തുക്കളായും വിജിയുടെ കരവിരുതില്‍ രൂപമെടുക്കുന്നു.ബ്യൂട്ടി പാര്‍ലര്‍ ഉടമയായ വിജി 13 വര്‍ഷം മുന്‍പാണ് കരകൗശല ഉത്പന്നങ്ങളുടെ  നിര്‍മ്മാണ മേഖലയിലെത്തിയത്. വാഴനാരും,

തൃശൂര്‍: തൃശൂരിന്റെ പുതിയ കളക്ടറായി വി.ആര്‍.കൃഷ്ണതേജ ഐ.എ.എസ് ചുമതലയേറ്റു. ജില്ലയുടെ 46-ാമത്തെ കലക്ടറാണ് വി ആര്‍ കൃഷ്ണ തേജ  രാവിലെ 9.30ന് കലക്ടറേറ്റിലെത്തിയ അദ്ദേഹം സ്ഥലം മാറിപ്പോവുന്ന ഹരിത വി കുമാറില്‍ നിന്നാണ് ചാര്‍ജ് ഏറ്റെടുത്ത്. ആന്ധ്രാ പ്രദേശിലെ ഗുണ്ടൂര്‍ സ്വദേശിയായ കൃഷ്ണ തേജ 2015 ഐ.എ.എസ് ബാച്ചുകാരനാണ്. ആലപ്പുഴ ജില്ലാ കലക്ടര്‍ പദവിയില്‍ നിന്നാണ് അദ്ദേഹം തൃശൂരിലെത്തിയത്. 2016-17ല്‍ തൃശൂര്‍ അസിസ്റ്റന്റ് കലക്ടറായിരുന്ന കൃഷ്ണ തേജ, കെ.ടി.ഡി.സി മാനേജിംഗ് ഡയറക്ടര്‍, ടൂറിസം വകുപ്പ് ഡയറക്ടര്‍, പട്ടികജാതി

തൃശൂര്‍: സൊഹെയ്‌സ്, സിയാസ്, കെസ്‌വെ എന്നീ കര്‍ഷകസംഘടനകളുടെ നേതൃത്വത്തില്‍ ലോകവദനആരോഗ്യദിനം ആചരിച്ചു. ചെമ്പൂക്കാവ് മിനി സിവില്‍ സ്റ്റേഷന്‍ ഹാളില്‍ നടന്ന ചടങ്ങ് മേയര്‍ എം.കെ.വര്‍ഗീസ് ഉദ്ഘാടനം ചെയ്തു. ആരോഗ്യ സര്‍വേയില്‍ കേരളത്തില്‍ ഏറ്റവും കൂടുതല്‍ കാന്‍സര്‍ രോഗികള്‍ തൃശൂരിലാണെന്ന് മേയര്‍ ഉദ്ഘാടന പ്രസംഗത്തില്‍ ചൂണ്ടിക്കാട്ടി. പരിസ്ഥിതി മാറിയതു പോലെ നമ്മുടെ ഭക്ഷണരീതിയും മാറി. പ്രതിരോധശേഷി കുറഞ്ഞതോടെ മാറാരോഗങ്ങള്‍ വ്യാപകമായിത്തുടങ്ങിയെന്നും അദ്ദേഹം പറഞ്ഞു. മണ്ണിനെ സ്‌നേഹിക്കാനും, സംരക്ഷിക്കുവാനും പുതിയ തലമുറയെക്കൂടി ബോധവത്കരിക്കേണ്ടതുണ്ടെന്നും അദ്ദേഹം ഓര്‍മ്മിപ്പിച്ചു.ഇന്ത്യന്‍ ഡെന്റല്‍ അസോസിയേഷന്‍ നേതൃത്വത്തില്‍

തൃശൂര്‍: കേരളീയര്‍ക്ക് സൗന്ദര്യബോധം കുറവെന്ന് വടക്കേച്ചിറ സ്ട്രീറ്റ് ഫെസ്റ്റില്‍ മുഖ്യാതിഥിയായി പങ്കെടുത്ത ചലച്ചിത്ര സംവിധായകന്‍ സത്യന്‍ അന്തിക്കാട് അഭിപ്രായപ്പെട്ടു. അതിമനോഹരമായ വടക്കേച്ചിറയുടെ സൗന്ദര്യത്തിന് അടിവരയിടുന്ന പരിപാടിയാണ് വടക്കേച്ചിറ സ്ട്രീറ്റ് ഫെസ്റ്റെന്നും അദ്ദേഹം പറഞ്ഞു. നമ്മുടെ നാടിന്റെ സൗന്ദര്യത്തെ വീണ്ടെടുക്കലാണിതെന്നും, ഇതൊരു തുടക്കമാകട്ടെയെന്നും അദ്ദേഹം പറഞ്ഞു.കേരളത്തിന്റെ പ്രകൃതി ഭംഗിയും മനോഹാരിതയും കണ്ടെത്താന്‍ പലപ്പോഴും നമുക്ക് സാധിക്കാറില്ല.  തൃശൂരിലുള്ളവര്‍ ഇവിടെയുള്ള പ്രകൃതിരമണീയമായ പ്രദേശങ്ങളുടെ പ്രാധാന്യം മനസ്സിലാക്കിയിട്ടില്ല. വളരെ മനോഹരമായ സ്ഥലങ്ങള്‍ കേരളത്തിലുണ്ടെന്നും, അവ തന്റെ സിനിമകളില്‍ ചിത്രീകരിക്കാറുണ്ടെന്നും അദ്ദേഹം പറഞ്ഞു.

തൃശൂര്‍: ചേര്‍പ്പില്‍ നടന്ന സദാചാരക്കൊലക്കേസില്‍ നാല് പ്രതികള്‍ പോലീസിന്റെ വലയിലായി. പ്രതികളായ അരുണ്‍, അമീര്‍, നിരഞ്ജന്‍, സുഹൈല്‍ എന്നിവരാണ് പിടിയിലായത്. ഇവര്‍ നാല് പേരും ചേര്‍പ്പ് സ്വദേശികളാണ്.ഉത്തരാഖണ്ഡില്‍ നിന്നാണ് പ്രത്യേക അന്വേഷണ സംഘം നാല് പേരെയും പിടികൂടിയത്. ഇനി അഞ്ച് പ്രതികളെ കൂടി പിടികൂടാനുണ്ട്. ഒന്നാം പ്രതി രാഹുല്‍ വിദേശത്താണ്.മാര്‍ച്ച് 7നായിരുന്നു ചേര്‍പ്പിലെ തിരുവാണിക്കാവില്‍ സദാചാര ഗുണ്ടാ ആക്രമണത്തിനിരയായ ബസ് ഡ്രൈവര്‍  ചിറയ്ക്കല്‍ കോട്ടം മമ്മസ്രയില്ലത്ത് ഷംസുദ്ദീന്റെ മകന്‍ സഹര്‍(32) ചികിത്സയിലിരിക്കേ മരിച്ചത്. തൃശ്ശൂര്‍-തൃപ്രയാര്‍ റൂട്ടിലോടുന്ന സ്വകാര്യബസിലെ

വടക്കാഞ്ചേരി: കുണ്ടന്നൂരില്‍ സ്‌ഫോടനത്തില്‍ തകര്‍ന്ന വെടിക്കെട്ടുപുരയിലെ (മാഗസിന്‍) കരിമരുന്നും അമിട്ടുകളും അടക്കമുള്ള വെടിക്കെട്ടുസാമഗ്രികളെല്ലാം നിര്‍വീര്യമാക്കി. രാവിലെ മാഗസിന്‍ തുറന്ന് ചാക്കുകളില്‍ നിറച്ചുവെച്ചിരുന്ന കരിമരുന്നും തിരികളും ആദ്യം സുരക്ഷിതമായി പുറത്തെത്തിച്ചു. അവ അളന്നു തിട്ടപ്പെടുത്തിയ ശേഷം മുട്ടിക്കല്‍ കുന്നിലെ വിജനമായ ക്വാറിയില്‍ എത്തിച്ചാണ് നിര്‍വീര്യമാക്കിയത്.ആയിരത്തോളം കിലോ കരിമരുന്ന് തിരികള്‍ ഉപയോഗിച്ച് കത്തിച്ചു. പിന്നീട് ബോള്‍ അമിട്ടുകളും നിര്‍വീര്യമാക്കി. കരിമരുന്ന് മിശ്രിതം അടങ്ങിയ സാമഗ്രികള്‍ കത്തിച്ചു. ഇത്തവണ കത്തിച്ചപ്പോള്‍ അന്‍പത് മീറ്ററോളം തീ ആളിക്കത്തി. ഇതിനിടെ സമീപത്തെ പുല്ലിലേക്കും തീപടര്‍ന്നെങ്കിലും

തൃശൂര്‍: ആരോഗ്യപ്രവര്‍ത്തകര്‍ക്ക് നേരെയുള്ള ആക്രമണങ്ങള്‍ക്കെതിരെ ജില്ലയില്‍ ഡോക്ടര്‍മാര്‍ നടത്തിയ സമരം പൂര്‍ണം. സ്വകാര്യ മേഖലയില്‍ അടക്കം അത്യാഹിത വിഭാഗം മാത്രം പ്രവര്‍ത്തിച്ചു. സമരം അറിയാതെ ചികിത്സയ്‌ക്കെത്തിയ രോഗികള്‍ വലഞ്ഞു.സംസ്ഥാനവ്യാപകമായി ഇന്ത്യന്‍ മെഡിക്കല്‍ അസോസിയേഷന്‍ നടത്തിയ സമരത്തിന്റെ ഭാഗമായാണ് തൃശ്ശൂര്‍ ജില്ലയിലെ സര്‍ക്കാര്‍, സ്വകാര്യ മേഖലകളിലെ ഡോക്ടര്‍മാര്‍ സമരത്തിനിറങ്ങിയത്. ഡോക്ടര്‍മാര്‍  ഒ.പി ബഹിഷ്‌കരിച്ചു 12 മണിക്കൂറാണ് പണിമുടക്ക്.ജൂബിലി മെഡിക്കല്‍ കോളേജില്‍ നിന്നും ആരംഭിച്ച പ്രതിഷേധ മാര്‍ച്ച് ഐ.എം.എയുടെ സംസ്ഥാന വൈസ് പ്രസിഡന്റ് ഡോ. ജോസണ്‍ വര്ഗീസ് ഉദ്ഘാടനം ചെയ്തു.ഡോ

തൃശൂര്‍: വേനല്‍ കടുത്തതോടെ നഗരത്തില്‍ കുടിവെള്ളക്ഷാമം വ്യാപകം. വിയ്യൂര്‍, വടൂക്കര, കൂര്‍ക്കഞ്ചേരി, നെല്ലങ്കര, മണ്ണുത്തി തുടങ്ങി നഗരത്തിലെ പല ഭാഗത്തും കുടിവെള്ളം കിട്ടാക്കനിയായി. ടാങ്കര്‍ ലോറികളില്‍ ജലവിതരണം തുടങ്ങാന്‍ വൈകുന്നത് മൂലം പ്രദേശവാസികള്‍ കുടിവെള്ളത്തിനായി നെട്ടോട്ടമോടുന്നു. കോര്‍പറേഷന്‍ അധികൃതരുടെ അലംഭാവം മൂലം ഇത്തവണ കുടിവെള്ളക്ഷാമം കൂടുതല്‍ രൂക്ഷമാകാന്‍ സാധ്യതയുണ്ടെന്നാണ് റിപ്പോര്‍ട്ട്. ജലക്ഷാമം നേരിടുന്ന പ്രദേശങ്ങളില്‍ ടാങ്കര്‍ ലോറികളില്‍ കുടിവെള്ള വിതരണം നടത്തുകയാണ് പതിവ്. എന്നാല്‍ കുടിവെള്ളമെടുക്കുന്ന ജലസ്രോതസ്സുകള്‍ പലതും മലിനമായിക്കിടക്കുന്നു. കുടിവെള്ളമെടുക്കുന്നതിന് ഏറ്റവും കൂടുതല്‍ ആശ്രയിക്കുന്ന തൃശൂര്‍