കൊച്ചി: കേരളത്തെ ഞെട്ടിച്ച അട്ടപ്പാടി മധു ആള്ക്കൂട്ട കൊലപാതകക്കേസില് ഒന്നാം പ്രതി മേച്ചേരി ഹുസൈനെ ഹൈക്കോടതി വെറുതെവിട്ടു. വിചാരണ കോടതി വിധി റദ്ദാക്കണമെന്ന് ആവശ്യപ്പെട്ട് മറ്റ് പ്രതികള് നല്കിയ അപ്പീല് കോടതി തള്ളി.
ജസ്റ്റിസ് വി. രാജ വിജയരാഘവന്, ജസ്റ്റിസ് കെ. വി. ജയകുമാര് എന്നിവരടങ്ങുന്ന ഡിവിഷന് ബെഞ്ചാണ് കേസ് പരിഗണിച്ചത്. 2018 ഫെബ്രുവരി 22നായിരുന്നു കേസിനാസ്പദമായ സംഭവം. അട്ടപ്പാടി ചിണ്ടക്കി ഊരിലെ മല്ലന്റെയും മല്ലിയുടെയും മകനും മാനസികാസ്വാസ്ഥ്യം നേരിട്ടിരുന്നതുമായ ആദിവാസി യുവാവ് മധുവിനെ (34) അരിയും പലചരക്ക് സാധനങ്ങളും മോഷ്ടിച്ചെന്നാരോപിച്ചാണ് ഒരു കൂട്ടം ആളുകള് കാട്ടില് നിന്ന് പിടികൂടിയത്.
ഇരുകൈകളും പിന്നിലേക്ക് കൂട്ടിക്കെട്ടി, നഗ്നനാക്കി അട്ടപ്പാടിയിലെ റോഡിലൂടെ നടത്തിച്ചായിരുന്നു ആള്ക്കൂട്ട വിചാരണ. വഴിയിലുടനീളം ക്രൂരമായ മര്ദ്ദനത്തിനിരയായ മധുവിനെ ഒടുവില് പൊലീസ് വണ്ടിയാണ് ആശുപത്രിയിലേക്ക് മാറ്റിയത്. എന്നാല് ആശുപത്രിയിലേക്കുള്ള വഴിമധ്യേ ആന്തരിക രക്തസ്രാവത്തെ തുടര്ന്നാണ് മധു മരിച്ചത്.
പതിനാറില് പതിമൂന്ന് പ്രതികളും കുറ്റക്കാരെന്ന്് കണ്ടെത്തി. നാലും, പതിനൊന്നും പ്രതികളെ വെറുതെ വിട്ട വിചാരണക്കോടതി വിധി ഹൈക്കോടതി ശരിവെച്ചു.
അട്ടപ്പാടി മധു വധക്കേസ്; ഒന്നാംപ്രതി ഹുസൈനെ വെറുതെവിട്ടു
