തിരുവനന്തപുരം: കണ്ണൂര് എഡിഎമ്മായിരുന്ന കെ നവീന് ബാബുവിന്റെ മരണം സിബിഐയ്ക്ക് വിടാന് സംസ്ഥാന സര്ക്കാര്. കുടുംബം മുഖ്യമന്ത്രി വി ഡി സതീശനെ കണ്ടതിന് പിന്നാലെയാണ് നീക്കം. വിഞ്ജാപനം ഉടന് പുറത്തിറക്കും. കെ.നവീന് ബാബുവിന്റെ മരണവുമായി ബന്ധപ്പെട്ട കേസില് തുടര് അന്വേഷണ റിപ്പോര്ട്ട് അന്വേഷണ സംഘം കോടതിയില് സമര്പ്പിച്ചിരുന്നു. തലശ്ശേരി അഡിഷണല് ജില്ലാ സെഷന്സ് കോടതി കേസില് തുടര് അന്വേഷണ റിപ്പോര്ട്ട് ആവശ്യപ്പെട്ടിരുന്നു.
നവീന് ബാബുവിന്റെ ഭാര്യ മഞ്ജുഷയുടെ മൊഴിയും പുതിയ പരാതികളുടെ വിശദാംശങ്ങളും റിപ്പോര്ട്ടില് ഉള്പ്പെടുത്തിയിട്ടുണ്ട്. കേസിലെ ഏകപ്രതിയായ കണ്ണൂര് ജില്ലാ പഞ്ചായത്ത് മുന് പ്രസിഡന്റ് പി പി. ദിവ്യ ഔദ്യോഗിക ഫോണില് നിന്ന് ജില്ലാ കളക്ടറുമായി നടത്തിയ ആശയവിനിമയം ഉള്പ്പെടെയുള്ള വിവരങ്ങളും തുടര് അന്വേഷണത്തില് പരിശോധിച്ചു. കോടതി നിര്ദ്ദേശിച്ച നാലു പ്രധാന കാര്യങ്ങളില് കൂടുതല് വ്യക്തത വരുത്തിയാണ് റിപ്പോര്ട്ട്.
