ദില്ലി: ചെങ്കോട്ട സ്ഫോടനവുമായി ബന്ധപ്പെട്ട് പ്രതികള് രഹസ്യ സ്വഭാവമുള്ള മാപ്പുകളും ആക്രമണ പദ്ധതികളുടെ വിശദാംശങ്ങളും പങ്കുവെച്ചത് സ്വിസ് ആപ്ലിക്കേഷന് വഴിയാണെന്നും എന്ക്രിപ്റ്റ് ചെയ്ത സ്വിസ് ആപ്ലിക്കേഷനായ ‘ത്രീമയാണ്’ ഉപയോഗിച്ചതെന്നുമുള്ള നിര്ണായക വിവരം പുറത്ത്. സ്ഫോടനം നടത്തേണ്ട ലക്ഷ്യസ്ഥാനങ്ങളുടെ കൃത്യമായ ഭൂപടങ്ങള്, ആക്രമണ രീതികള്, ബോംബ് നിര്മ്മാണത്തിനുള്ള നിര്ദ്ദേശങ്ങള്, സാമ്പത്തിക ഇടപാടുകള് തുടങ്ങിയ നിര്ണായക വിവരങ്ങളെല്ലാം ഈ രഹസ്യ പ്ലാറ്റ്ഫോമുകള് വഴിയാണ് കൈമാറ്റം ചെയ്യപ്പെട്ടത്. സംഭവവുമായി ബന്ധപ്പെട്ട് അറസ്റ്റിലായ പ്രതികളെ ചോദ്യം ചെയ്തതില് നിന്നാണ് വിവരങ്ങള് പുറത്തുവന്നത്.
സ്ഫോടനവുമായി ബന്ധപ്പെട്ട് ജമ്മു കശ്മീരില് 10 പേര് കസ്റ്റഡിയിലായി. കസ്റ്റഡിയിലെടുത്തവരില് സര്ക്കാര് ജീവനക്കാരും ഉള്പ്പെട്ടിട്ടുണ്ടെന്നാണ് വിവരം. പുല്വാമ, കുല്ഗാം, അനന്തനാഗ് ജില്ലകളില് നിന്നാണ് ഇവരെ കസ്റ്റഡിയിലെടുത്തിരിക്കുന്നത്. സ്ഫോടന കേസിലെ കണ്ണികള് നീങ്ങുന്നത് പാകിസ്ഥാനിലേക്കെന്നാണ് റിപ്പോര്ട്ടുകള്
