കൊച്ചി: കേരളബാങ്ക് വൈസ് പ്രസിഡണ്ടും, തൃശൂര്‍ സര്‍വീസ് സഹകരണബാങ്ക് പ്രസിഡണ്ടുമായ സി.പി.എം നേതാവ് എം.കെ.കണ്ണനെ ഇ.ഡി ചോദ്യം ചെയ്യും. കരുവന്നൂര്‍ ബാങ്ക് കള്ളപ്പണകേസിലാണ് എം.കെ.കണ്ണനെ ചോദ്യം ചെയ്യാന്‍ ഇ.ഡി വിളിച്ചുവരുത്തിയിരിക്കുന്നത്. സി.പി.എം സംസ്ഥാന സമിതി നേതാവു കൂടിയായ കണ്ണനൊപ്പം റിയല്‍ എസ്റ്റേറ്റ് ഇടപാടുകാരന്‍ ബിദീപിനെയും ചോദ്യം ചെയ്യും. കഴിഞ്ഞയാഴ്ച തൃശൂരിലെ സഹകരണബാങ്കിലും ഇ.ഡി. നടത്തിയിരുന്നു. പി.സതീഷ്‌കുമാറിന്റെ കള്ളപ്പണഇടപാടുമായി ബന്ധപ്പെട്ടാണ് ചോദ്യം ചെയ്യലെന്നാണ് സൂചന.
എം.എല്‍.എയായ എ.സി.മൊയ്തീന്‍, തൃശൂര്‍ കോര്‍പറേഷന്‍ കൗണ്‍സിലര്‍ അനൂപ് ഡേവിസ് കാട, വടക്കാഞ്ചേരി നഗരസഭാ കൗണ്‍സിലര്‍ പി.ആര്‍.അരവിന്ദാക്ഷന്‍ എന്നിവരെ ഇ.ഡി. ചോദ്യം ചെയ്തിരുന്നു.
