തിരുവനന്തപുരം: ജൂണ് 15 മുതല് സ്ത്രീകള്ക്ക് കെഎസ്ആര്ടിസി ബസില് സൗജന്യയാത്ര അനുവദിക്കും. വിശദാംശങ്ങള് പിന്നീട് പ്രഖ്യാപിക്കുമെന്ന് മുഖ്യമന്ത്രി വി.ഡി.സതീശന് പറഞ്ഞു. ആദ്യ കാബിനറ്റ് യോഗത്തിന് ശേഷമാണ് മുഖ്യമന്ത്രി പ്രഖ്യാപനം നടത്തിയത്. വയോജനങ്ങള്ക്കായി പ്രത്യേക വകുപ്പ് രൂപീകരിക്കുന്നതിലും തീരുമാനമായി. രാജ്യത്ത് ആദ്യമായാണ് പ്രത്യേക വകുപ്പ് വയോജനങ്ങള്ക്കായി നടപ്പിലാക്കുന്നതെന്നും സതീശന് പറഞ്ഞു.ആശമാരുടെ ഓണറേറിയം ആദ്യഘട്ടമായി 3,000 രൂപ വര്ധിപ്പിച്ചു. അങ്കണവാടി ജീവനക്കാരുടെ വേതനം ആയിരം രൂപ വര്ധിപ്പിച്ചു. ആദ്യഘട്ടമായാണ് ആയിരം രൂപ കൂട്ടിയത്. പാചകത്തൊഴിലാളികളുടെ വേതനവും ആയിരം രൂപ കൂട്ടി. പ്രീപ്രൈമറി ടീച്ചര്, ആയമാര് എന്നിവരുടെ വേതനവും ആയിരം രൂപ കൂട്ടി. മുതിര്ന്ന അംഗമായ ജി. സുധാകരന് പ്രോടേം സ്പീക്കറാകും.
ജൂണ് 15 മുതല് വനിതകള്ക്ക് കെഎസ്ആര്ടിസിയില് സൗജന്യയാത്ര, ആശമാരുടെ ഓണറേറിയവും കൂട്ടി
