തൃശൂര്: മണ്ണുത്തി ഒല്ലൂക്കരയില് വയോധികനെ വീട്ടില് കെട്ടിയിട്ട്് വന് സ്വര്ണക്കവര്ച്ച. ഒല്ലക്കര സ്വദേശി സോമശേഖരനെ (72) ആണ് കെട്ടിയിട്ട് ക്രൂരമായി മര്ദിച്ച്്് 75 പവന്റെ സ്വര്ണാഭരണങ്ങള് കവര്ന്നത്.
പുലര്ച്ചെ മൂന്ന് മണിയോടെയാണ് കവര്ച്ച നടന്നത് വീട്ടില് സോമശേഖരന് തനിച്ചായിരുന്ന സമയത്ത് അകത്തുകയറിയ സംഘം, അദ്ദേഹം ഉറക്കത്തില് നിന്ന് ഉണര്ന്ന് നിലവിളിച്ചപ്പോള് തലയിണ ഉപയോഗിച്ച് മുഖത്തമര്ത്തുകയും ക്രൂരമായി മര്ദിക്കുകയും ചെയ്തു. തുടര്ന്ന് വായില് തുണി തിരുകി കൈകാലുകള് കെട്ടിയിട്ടു.കവര്ച്ച ചെയ്തത്: അലമാരയില് സൂക്ഷിച്ചിരുന്ന സ്വര്ണാഭരണങ്ങളും സോമശേഖരന് ധരിച്ചിരുന്ന മാലയും മോതിരവും ഉള്പ്പെടെയാണ് കവര്ന്നത്. കവര്ച്ചാ സംഘത്തില് മൂന്ന് പേരുണ്ടായിരുന്നുവെന്നും അവര് പരസ്പരം സംസാരിച്ചിരുന്നത് ഹിന്ദിയിലായിരുന്നുവെന്നും സോമശേഖരന് മൊഴി നല്കിയിട്ടുണ്ട്. ഇതരസംസ്ഥാന തൊഴിലാളികളോ അല്ലെങ്കില് മറ്റ് സംസ്ഥാനങ്ങളില് നിന്നുള്ള പ്രൊഫഷണല് കവര്ച്ചാ സംഘങ്ങളോ ആകാം ഇതിന് പിന്നിലെന്നാണ് പോലീസിന്റെ പ്രാഥമിക നിഗമനം.പോലീസ് നടപടി: മണ്ണൂത്തി പോലീസ് സംഭവസ്ഥലത്തെത്തി കേസ് രജിസ്റ്റര് ചെയ്ത് അന്വേഷണം ആരംഭിച്ചിട്ടുണ്ട്. വിരലടയാള വിദഗ്ധരും ഡോഗ് സ്ക്വാഡും സ്ഥലത്തെത്തി തെളിവുകള് ശേഖരിച്ചു വരികയാണ്. പ്രദേശത്തെ സിസിടിവി ദൃശ്യങ്ങള് കേന്ദ്രീകരിച്ചും അന്വേഷണം പുരോഗമിക്കുന്നു.
