ആലപ്പുഴ: പുന്നമടക്കായലില് 72-ാമത് നെഹ്റു ട്രോഫി വള്ളംകളിയില് അരോമ ചുണ്ടന് ക്ലബിന് ചരിത്രനേട്ടം. ആദ്യപോരാട്ടത്തിലാണ് കിരീട നേട്ടം അരോമ ചുണ്ടന് സ്വന്തമാക്കിയത്. 4 മിനിറ്റും 23 സെക്കന്റും തുഴഞ്ഞെത്തിയാണ് കിരീടത്തില് മുത്തമിട്ടത്. രണ്ടാമനായത് നടുഭാഗമാണ്. ആറ് ഹീറ്റ്സുകളും പൂര്ത്തിയായ ശേഷമാണ് മത്സരം ഫൈനലിലേക്ക് കടന്നത്.
മേല്പ്പാടം, നടുഭാഗം, വീയപുരം, അരോമ എന്നീ ചുണ്ടന് വള്ളങ്ങളാണ് ഫൈനല് ലൈനപ്പില് ഉണ്ടായിരുന്നത്. ആദ്യ ഹീറ്റ്സില് വീയപുരം ഒന്നാമതെത്തി. 4.20 മിനിറ്റാണ് എടുത്ത സമയം. രണ്ടാം ഹീറ്റ്സില് ചമ്പക്കുളം ചുണ്ടന് ഒന്നാമതെത്തി. രണ്ടാം ഹീറ്റ്സില് 5 മിനിറ്റില് ഏറെ സമയം എടുത്താണ് നാലു വള്ളങ്ങളും ഫിനിഷ് ചെയ്തത്.
